Ali Bongo, umugore we n’umuhungu wabo barekuwe bahita berekeza muri Angola – BBC

Inyandiko gusa Ahavuye isanamu, Getty Images Insiguro y’isanamu, Sylvia yashakanye na Ali Bongo mu 1989, bafitanye abana bane Haciye amasaha 9 Ali Bongo wahoze ari perezida wa Gabon agahirikwa muri coup d’état mu 2023, yavuye mu gihugu yerekeza muri Angola n’umuryango we, nk’uko abategetsi b’i Luanda babitangaje. Itangazo ry’ibiro bya perezida wa Angola rivuga ko umuryango wa Bongo warekuwe kandi wageze i Luanda. François Zimeray, umunyamategeko w’umuryango wa Bongo, yishimiye kurekurwa kw’abakiriya be yamagana ko bari “bafunzwe nabi kandi barengana”. Sylvia Bongo n’umuhungu we Noureddin Bongo baregwa ibyaha bya ruswa, bari bafunze kuva mu 2023. Bo ubwabo ntibaragira icyo bavuga ku byaha baregwa, gusa Zimeray avuga ko abakiriya be “bakorewe iyicarubozo” ubwo bari bafunze aho avugira ko ari mu byumba byo munsi muri gereza. Skip Ibisomwa cane and continue reading Ibisomwa cane End of Ibisomwa cane Zimeray yagize ati: “Sylvia na Noureddin Bongo ubu bagiye kubasha guhindura urupapuro, gukira no kubaka bushya ubuzima bwabo”. BBC yasabye ibiro bya perezida wa Gabon kugira icyo ivuga ku kurekurwa kwa Bongo n’umuryango we bakerekeza muri Angola. Abategetsi ba Gabon mbere bahakanye ibirego byo gufunga nabi no gukorera iyicarubozo Sylvia Bongo n’umuhungu we. Umushinjacyaha Eddy Minang wa Gabon yavuze ko kurekurwa kwa Sylvia n’umuhungu
Read More